Unha fronte pouco activa pasa sobre a comunidade durante as primeiras horas deste martes, polo que as previsións de Meteogalicia anuncian para a primeira metade do día ceos moi nubrados e choivas débiles.
As precipitacións poden repetirse pola tarde en puntos do noroeste e no litoral de Pontevedra, pero no resto de Galicia empezarán a abrirse claros.
En canto ás temperaturas, descenderán entre lixeira e moderadamente. As máximas moveranse entre os 19 graos de Pontevedra e os 25 de Ourense.