Ceos nubrados en gran parte de Galicia na xornada deste mércores

Galicia continuará este mércores nunha situación pouco definida, entre as altas e as baixas presións, con circulación suroeste que achega humidade desde o mar.

Así, espérase unha xornada de ceos máis nubrados no oeste, onde poderán rexistrarse choivas débiles, máis probables durante a mañá e sen descartar algún chuvasco ocasional pola tarde nalgunhas zonas do interior.

As temperaturas non terán cambios significativos, con lixeiros descensos das mínimas. Os ventos soprarán frouxos de compoñente sur.