Galicia gozará do seu primeiro domingo na fase 1 cun tempo estival

Este domingo Galicia continuará baixo a influencia de altas presións situadas ao oeste de Francia, polo que se esperan ceos despexados.

As temperaturas experimentarán un ascenso entre lixeiro e moderado, alcanzándose valores elevados pola tarde no interior.

O vento soprará frouxo, dirección nordeste, sendo máis intenso entre Fisterra e Estaca de Bares.