As altas presións continuarán un día máis estacionarias ao norte da península Ibérica, achegando estabilidade e ventos de nordés. Deste xeito, Galicia espera ceos con nubes e claros ao principio da xornada e apertura de grandes claros pola tarde.
Segundo a información de Meteogalicia, os ventos do nordés soprarán con intensidade moderada, conseguindo intervalos fortes no oeste da Coruña. As temperaturas, pola súa banda, continuarán sen cambios.
Así, por cidades, as temperaturas máximas oscilarán entre os 26 graos de Pontevedra e os 19 da Coruña, mentres que as mínimas estarán entre os 12 de Lugo e os 15 de Ourense e Pontevedra.
