A masa de aire cálido persiste en Galicia. O ceo permanecerá este mércores despexado ou con nubes altas, xa que continúan as altas presións situadas entre Escocia e Noruega. Tras un día de calor e bo tempo xeneralizado, a noite traerá brumas que entrarán na comunidade polo litoral atlántico, como antesala dun xoves no que volverán os chuvascos.
En canto ás temperaturas, os termómetros oscilarán este mércores nas grandes urbes galegas entre os 11 graos de mínima que marcarán en Lugo, Pontevedra ou Ourense e os 34 de máxima que se alcanzarán na cidade das Burgas. Na capital lucense chegarán aos 28 graos, dous máis que na Boa Vila.
