Unha saída de vía rexistrada na mañá deste sábado en Carballo (A Coruña) deixou catro persoas feridas. O accidente produciuse na estrada que conecta Berdillo coa Laracha, na zona da Piña.
O 112 Galicia tivo constancia dos feitos ás 10,45 horas a través dunha alerta de Urxencias Sanitarias e informou aos Bombeiros de Carballo, a Protección Civil e á Garda Civil de Tráfico.
Por outra banda, unha muller resultou ferida na Coruña tras ser atropelada por un vehículo. Foi un particular o que alertou dos feitos ao 112 ás 12,20 horas.
O atropelo aconteceu nunha intersección da Avenida de Fisterra e o 112 Galicia alertou a Urxencias Médicas, aos Bombeiros da Coruña, a Protección Civil e á Policía Local.
Catro persoas resultan feridas tras unha saída de vía en Carballo
Tamén unha muller sufriu feridas na Coruña ao ser atropelada por un vehículo
