Un neno resultou ferido ao ser atropelado en Narón, á altura do número 44, na parroquia de Xubia, na rúa Vigo, segundo informa o 112. Os feitos tiveron lugar sobre as 21.45 horas do venres. Foron avisados, entre outros, 061, Policía Local, Bombeiros de Narón e Protección Civil.
LAZA. Por outra banda, un camión formigoneira saíuse da vía e envorcou sobre as 7.50 horas deste sábado en Laza (Ourense), ao seu paso por OU-113, no punto quilométrico 27.
O condutor do tráiler tivo que ser trasladado a un centro hospitalario. Pasadas as 9.00 horas os servizos de urxencia atopábanse á espera dun guindastre para desprazar o camión.
CARBALLEDA DE AVIA. Noutra orde de cousas, un alpendre ardeu por completo en Carballeda de Avia (Ourense). No interior do almacén había un depósito de combustible e gran cantidade de leña. Os feitos ocorreron na aldea de Saa e o 112 recibiu a alerta sobre as 5.00 horas. O lume quedou extinguido sobre as 7.00 horas.
