Zona: D.O. Bierzo. Colleita: 2008. Maridaxe: Faisán estofado á trufa. Grao: 13,5% vol. Temperatura de consumo aconsellada: 16º
Saio algo apresurado do traballo para chegar a tempo ás miñas clases semanais. Non me din conta ata hoxe de que abriron unha nova tenda de produtos do Bierzo preto de casa. Estou algo intrigado sobre o que poderei atopar no seu interior e decido botar unha ollada. Aromas a embutidos enchen o ambiente da sala, mentres botellas de viño repártense polos andeis. Volveume a pasar e quédome mirando ao descoñecido: aínda que coñezo a adega, o nome deste viño non me resulta familiar e deste xeito acaba entre as miñas mans. Hei de dicir que o nome, Hombros, tamén tivo algo de culpa. Descubrín que a orixe deste apelativo vénlle dun tipo de poda inferior coa que se potencian as uvas situadas na parte máis alta dos acios, os ‘ombreiros'.
Cata
De cor púrpura vivo e brillante, de capa alta e bágoa lixeiramente tintada.
En nariz mostra claramente a tipicidade da mencía, froita vermella fresca e notas florais.
