Do sábado 24 de setembro ao día 30 do mesmo mes, terá lugar en varios establecementos do Baixo Miño, localizados nos Municipios de Tui, O Rosal, Oia e A Guarda, a IV Mostra Gastronómica de Pontevedra.
Este ano, os produtos do mar son a estrela da mesma, cuxos pratos de degustación poderanse adquirir por 30 euros, bebida incluída, ben a mediodía, ben pola noite.
Son dez os establecementos de restauración que se acollen á iniciativa e que pasarán a ofrecer estes produtos. En Tui participan o Restaurante Muíño, o Hotel Afonso I, o Restaurante Don Sancho, o O Novo Cabalo Furado e a Vinoteca Remesal.
Pola súa banda, no Rosal está a Casa Rural Abadía Eiras, en Oia o Hotel Talaso Atlántico e o Restaurante Lugar e na Guarda o Restaurante Brisamar e o Os Remos.