Os organizadores do I Festival Tapas e Danza celebrado en Pontevedra outorgaron o primeiro premio do concurso de tapas ao restaurante A Casa do Lado situado na Praza dá Leña, pola "Pataca Rechea", creación da cociñeira Diana Fontenla.
"Pataca ao forno, espuma de brandada de bacalo e brotes de alfalfa" foi a orixinal proposta desta restauradora para o certame organizado o pasado sábado en varias prazas da cidade pola Federación Provincial de Empresarios de Hostalería de Pontevedra e apoiado pola Consellería de Innovación e Industria a través da Dirección Xeral de Turismo e o Concello de Pontevedra.
Os propios organizadores cualificaron o festival de todo "un éxito", xa que foron numerosos os cidadáns que participaron nos espectáculos de danza e na degustación de tapas que prepararon os establecementos da cidade.
Nos cuestionarios que se repartiron entre os cidadáns que participaron na degustación, a maioría cualificaron as tapas cualificáronas de moi "boas" (o 61,4%) ou "boas (26,7% dos clientes), mentres o 9% deulles unha nota de "regular" e o 2,8% rexeitou dar a súa opinión.
