Este martes non se esperan cambios na situación meteorolóxica, xa que Galicia quedará na influencia dun centro de baixas presións localizado no Cantábrico. Así, o ceo estará nubrado con choivas xeneralizadas, que ocasionalmente irán acompañadas de tormentas e saraiba.
Segundo a información de Meteogalicia, dependente da Consellería de Medio Ambiente, o vento soprará frouxo de compoñente oeste, con intervalos de moderado no litoral atlántico.
Pola súa banda, as temperaturas non experimentarán cambios significativos. Deste xeito, as máximas subirán ata os 20 graos en Ourense, mentres as mínimas descenderán ata os 10 graos en Lugo.
