Para este domingo, non se esperan cambios significativos en Galicia, que continuará baixo a influencia das altas presións, con ceos pouco cubertos ou despexados en xeral, aínda que con algunhas nubes na Mariña de Lugo e formación de nubes de evolución durante a tarde en zonas montañosas do interior.
Así o recolle a predición de Meteogalicia, que anuncia temperaturas sen cambios, con máximas elevadas e cun lixeiro ascenso nas mínimas. O vento soprará do nordeste, frouxo en xeral no interior, moderado na costa, con intervalos fortes pola noite entre Bares e Fisterra.
Entre as principais cidades galegas, as mínimas oscilarán entre os 3 graos de Lugo e os 14 de Vigo, e as máximas estarán entre os 21 graos da Coruña e os 27 de Ourense.
