O mércores alternarán nubes e claros, con posibilidade chuvascos tormentosos

O mércores aumentará a inestabilidade atmosférica xa que por unha banda entra o aire frío nas capas altas da atmosfera e pola outra ascenden as temperaturas en superficie en Galicia.

Así, os ceos alternarán nubes e claros en xeral, con máis nubes baixa no terzo norte. Na segunda metade do día aumentarán as nubes de evolución que poderán deixar algún chuvasco de carácter tormentoso pola tarde, no interior.

As temperaturas estarán en ascenso, lixeiro nas mínimas e moderado nas máximas. 

O vento soprará frouxo do nordeste, sendo forte na Costa da Morte.