Varios incendios continúan castigando o parque natural do Xurés tras arrasar máis de 400 hectáreas no termo ourensán de Lobios e apareceu outro incendio no concello de Vilar de Barrio, que queimou xa 50 hectáreas.
A Consellería do Medio Rural informou nun comunicado de que un dos incendios rexistrados na noite do domingo na parroquia de Río Caldo -onde se sitúan os tres lumes-, en Lobios, continúa activo tras arrasar unhas 300 hectáreas.
Este lume supuxo a mobilización de catorce, vinte e dúas brigadas, catorce motobombas, catro avións e seis helicópteros e dos efectivos da Unidade Militar de Urxencias (UME).
Ademais, un segundo incendio rexistrado esa mesma noite en Lobios calcinou 90 hectáreas.
No seu control participan 11 axentes, 41 brigadas, 18 motobombas, 3 pas, 5 helicópteros e 2 avións mentres que o terceiro lume, que se sitúa no Xurés, permanece controlado desde o pasado martes tras afectar unha superficie de preto de 51 hectáreas.
Por outra banda, a Consellería do Medio Rural, informou dun novo incendio rexistrado na tarde do martes no concello ourensán de Vilar de Barrio, na parroquia de Rebordechau.
Este incendio, segundo estimacións provisionais, queimou unha superficie de 50 hectáreas, e no seu control traballan 6 axentes, 8 brigadas, 5 motobombas e 1 pa.
Ourense segue ardendo con preto de 450 hectáreas arrasadas polo momento
Permanecen activos varios incendios no parque natural do Xurés e en Vilar de Barrio
