Este martes a xornada será moi similar á do luns, con ceo nubrado e choiva á primeira hora na franxa atlántica. Pola tarde espéranse chuvascos probables en calquera punto, ocasionalmente tormentosos.
Segundo a información de Meteogalicia, dependente da Consellería de Medio Ambiente, o vento soprará frouxo de compoñente sur, con intervalos de moderado no litoral.
Pola súa banda, as temperaturas non experimentarán cambios significativos. Deste xeito, as máximas subirán ata os 26 graos en Ourense, mentres que os valores mínimos descenderán ata os 15 en Lugo, Ferrol e A Coruña.
