O Consello Regulador do D.O. Rías Baixas organiza a presentación ás adegas do informe, elaborado pola Consultora Nielsen: “Coñecer de forma nominal o número actual de Bares de Viños en zonas concretas de lecer de Madrid, profundando nas características dos viños que ofrecen e nas as súas de clientes”. Esta exposición, na que participarán máis dunha trintena de adegas, terá lugar mañá a partir das 12 h. no Pazo de Mugartegui.
Ademais, a axencia de publicidade Publicis Dialog presentará ás adegas a acción: ''Noites con nome propio'', asociada á campaña de publicidade de identificación dos viños albariño co D.O. Rías Baixas, baixo o slogan: ''Albariño Rías Baixas, pídeo polo seu nome''. Esta acción promocional desenvolverase en Madrid do 17 de setembro ao 8 de outubro en 40 locais de moda da capital.
