A conselleira de Sanidade, Rocío Mosquera, ten o apoio do presidente Alberto Núñez Feijoo e de todo o goberno da Xunta. O vicepresidente e secretario xeral do PP galego, Alfonso Rueda, aseguronu hoxe en declaracións á Cadena Ser onde non só defendeu o traballo de Mosquera, que cualifica de "moi difícil", senón que sostivo que a conselleira está "a corrixir erros".
Alfonso Rueda tamén se dirixiu á oposición que critica de desempeñar "mala política". "Case sempre piden a dimisión de Rocío Mosquera os mesmos e polas mesmas razóns. A conselleira de Sanidade está a facer un traballo moi difícil", sostivo.
FEIJOO, CANDIDATO Á XUNTA. O número dous do Goberno galego e do PP nesta Comunidade afirmou, ademais, que para el "non hai mellor candidato que Feijóo" ás eleccións autonómicas do próximo ano, aínda que a decisión a tomará el mesmo e haberá un congreso "en marzo ou abril".
Sobre o seu propio futuro, afirmou que o falará con Núñez Feijóo.
"Quedan moitos meses, Feijóo confiou en min fai 10 anos. Falarei con el e tomaremos unha decisión. Se Feijóo aínda non anunciou a súa decisión, comprenderá que tampouco o fagamos os demais", resolveu.
O vicepresidente galego desligou dos procesos electorais ao anuncio de devolver aos funcionarios o próximo ano que falta da extra que lles retirou o Goberno de Rajoy en 2012.
