Galicia arrincará a semana nunha situación de inestabilidade atmosférica debido á entrada de aire frío en capas altas, de forma que os ceos estarán parcialmente cubertos con chuvascos que poderían vir acompañados de saraiba.
A cota de neve descenderá dos 1.200 metros ata os 800 metros ao final do día. A montaña de Lugo e Ourense estará en alerta laranxa por acumulacións de máis de 10 centímetros, mentres que na costa seguirá activo o aviso laranxa por ondas de máis de cinco metros.
Resumo meteorolóxico desta vindeira semana en #Galicia:
— MeteoGalicia (@MeteoGalicia) December 15, 2019
Luns👉Aire frío🧥🌦️e baixada da cota de❄️
Martes👉Día de transición⛅️e algún🌦️no norte
Mércores👉⚠️Nova borrasca. Vento moi forte e🌧️
Xoves e venres👉Outra borrasca e situación⚠️no mar
O outono despídese con🍃🌧️#FelizSemana pic.twitter.com/6aAisD8tj8
As temperaturas sufrirán un descenso entre lixeiro e moderado. O vento soprará de compoñente norte, sendo forte cara á noite.
