Este xoves Galicia continuará baixo a influencia das altas presións situadas sobre Alemaña. Así, o ceo estará pouco nubrado ou despexado, con entrada de nubes altas ao final do día.
Segundo a información publicada por Meteogalicia, dependente da Consellería de Medio Ambiente, o vento soprará de compoñente sur, con intervalos fortes no litoral atlántico.
Pola súa banda, as temperaturas experimentarán un lixeiro ascenso. Deste xeito, nas cidades galegas as temperaturas máximas subirán ata os 22 graos en Pontevedra; ata os 21 en Vigo, Ferrol e Ourense; e ata os 19 en Lugo, onde os valores mínimos descenderán aos cero graos.
