Durante a xornada deste venres o tempo continuará marcado en Galicia por unha situación intermedia entre as altas presións localizadas ao sur dos Azores e as baixas situadas ao norte das Illas Británicas.
Deste xeito, segundo a información de Meteogalicia, o ceo presentará algunhas nubes durante a mañá no norte e quedará máis despexado no resto.
En canto ás temperaturas, non se experimentarán cambios nas mínimas, pero as máximas experimentarán un lixeiro ascenso.
Pola súa banda, os ventos soprarán frouxos de compoñente norte, con algún intervalo moderado nas Rías Baixas.
