A xornada deste venres será de transición de cara á influencia anticiclónica, polo que durante a mañá espéranse ceos máis cubertos cara ao norte, onde haberá posibilidade de choivas débiles, pero a medida que avancen as horas iranse abrindo claros, quedando os ceos despexados ao final do día.
Segundo a predición de Meteogalicia, as temperaturas mínimas sufrirán un descenso entre lixeiro e moderado, mentres que as máximas continuarán sen cambios.
Así, prevese que as cidades de Pontevedra e Ourense alcancen os 29 graos de máxima, mentres que A Coruña, Ferrol e Lugo non superen os 23 de máxima. En canto ás mínimas, situaranse en Ferrol nos 14 graos. Os ventos soprarán do norte-noroeste, frouxos en xeral.
