Esta mañá un grupo de doce técnicos da Deputación de Gipuzkoa visitaron as instalacións de Turismo Rías Baixas, organismo presidido por José Manuel Figueroa, para coñecer os proxectos de promoción turística que o organismo da Deputación de Pontevedra leva a cabo e poder aplicalos no País Vasco.
Durante o encontro, os técnicos de Turismo Rías Baixas-Deputación de Pontevedra explicaron a organización e xestión turística da provincia, así como os seus principais recursos e produtos turísticos. Os técnicos de Gipuzkoa interesáronse polos proxectos e experiencias que se están levando a cabo desde Turismo Rías Baixas-Deputación de Pontevedra e que, polo seu contido e características, poidan servir de referencia e aprendizaxe aos gipuzkoanos como o Plan de Calidade, o Observatorio Turístico da provincia de Pontevedra ou os programas de formación que levan a cabo desde a institución provincial.
Entre os técnicos da Deputación de Gipuzkoa atopábase o Director de Turismo e Xefe de Sección de Promoción Turística da Deputación Foral de Gipuzkoa, Agustín Arostegi e Xavier Eleizegui, representantes da Dirección de Relacións Exteriores da Deputación de Gipuzkoa, a responsable da oficina de turismo de Zarautz, Ana María Esnal, a Directora Adxunta de San Sebastián Turismo, Isabel Aguirrezabala, a Xefa do Departamento de Turismo de Bidasoa Activa, Cristina Gutiérrez, a responsable de Debegesa, Cristina Iturriagagoitia, o Responsable de Goitur, Nicolás Osinalde, Reponsables da Axencia de Desenvolvemento da comarca de Tolosaldea e a Xerente de Beinke, Lourdes Romano.
