As previsións meteorolóxicas para Galicia anuncian para este domingo unha xornada que arrincará con algunhas nubes que tenderán a ir a menos e un lixeiro ascenso das temperaturas máximas, mentres que as mínimas non experimentarán cambios significativos. Así as cousas, as máximas moveranse entre os 22 graos da Coruña e os 34 de Ourense.
Atendendo ás proxeccións de Meteogalicia, espérase unha mañá de ceo nubrado no norte e máis despexado no sur. A medida que avance a xornada as nubes irán a menos e, pola tarde, os ceos estarán abertos, coa excepción do extremo norte.
