Este sábado Galicia continuará con influencia das altas presións, polo que o ceo estará despexado con presenza de nubes de evolución nas zonas de montaña.
Segundo a información publicada por Meteogalicia, dependente da Consellería de Medio Ambiente, o vento soprará frouxo de compoñente leste. Pola súa banda, as temperaturas mínimas seguirán sen cambios significativos, mentres que as máximas experimentarán lixeiros ascensos.
Deste xeito, nas cidades galegas as máximas subirán ata os 26 graos en Ourense e 23 en Pontevedra, mentres que os valores mínimos descenderán ata os dous graos en Lugo.
