Terras Gauda acolleu este fin de semana a reunión do xurado do 8º Concurso Internacional de Cartelismo Publicitario Francisco Mantecón para seleccionar os carteis finalistas e premiados entre máis de 1.400 obras procedentes de 45 países de todo o mundo.
O deseñador neoiorquino Taber Calderón, o 1º premio o ano pasado, viaxou desde Estados Unidos para asistir á reunión do xurado, que estivo presidida por José Mª Fonseca Moretón, presidente de Terras Gauda, e na que tamén participaron o prestixioso deseñador Pep Carrió e o director de Arte da revista Elle, Javier Martínez Vidal.
Os cinco continentes
Dos máis de 1.400 carteis que concursan nesta edición, 660 están asinados por artistas gráficos de España e destaca a elevada participación de deseñadores italianos (360). Por primeira vez enviaron os seus propostas deseñadores gráficos de Sri Lanka, Barbados e Tunisia a un certame, no que un ano máis, hai representantes de países dos cinco continentes.
A presenza de carteis asinados por deseñadores gráficos de países como Illa Mauricio, Sudáfrica, India, China, Cuba ou Rusia, entre outros, confirma a proxección mundial dun certame que anualmente reúne á vangarda do deseño internacional cunha multiculturalidad patente na diversidade gráfica das propostas.
Terras Gauda repartirá 14.000 euros en metálico entre os gañadores(10.000 euros para o 1º premio e dous accésit de 2.000 euros cada un), así como unha Mención Especial.
Terras Gauda acolle o 8º Concurso de Cartelismo Publicitario Francisco Mantecón
