Tres persoas resultaron feridas nunha colisión lateral entre dous turismos rexistrada na mañá deste luns na localidade ourensá de Lobeira. Unha das vítimas tivo que ser evacuada no helicóptero a un centro hospitalario e outras dúas foron trasladadas en ambulancia.
O sinistro tivo lugar na estrada OU-540, á altura das Conchas. Unha persoa particular deu a voz de alarma ao 112 Galicia ás 12.00 horas.
Ata o punto achegouse o helicóptero medicalizado do 061 con base en Ourense. Ademais, o 112 Galicia tamén avisou ao GES de Lobios e á Garda Civil de Tráfico.
Tres feridos nunha colisión lateral entre dous turismos na vila ourensá de Lobeira
O accidente tivo lugar na estrada OU-540 ►Un dos feridos tivo que ser trasladado en helicóptero ata un centro hospitalario