Un operario resultou ferido este xoves pola mañá na localidade de Cabanas (A Coruña) logo de caer da plataforma dun camión. Os feitos ocorreron nunha empresa dedicada ao transporte de mercancías, para a cal o operario realizaba o seu traballo, situada na Rúa Mareira, no Polígono Industrial Vilar do Colo.
Unha persoa particular foi quen, sobre as 10.15 horas, solicitaba ao 112 Galicia asistencia sanitaria para un traballador que levase un golpe.
Tras recibir o aviso do alertante, desde o Centro Integrado de Atención ás Emerxencias de Galicia (CIAE) requiriuse a intervención do 061-Urxencias Sanitarias. Tamén, informouse o accidente á Garda Civil e a Protección Civil da localidade.
Un operario resulta ferido ao caer da plataforma dun camión en Cabanas
O home realizaba o seu traballo para unha empresa dedicada ao transporte de mercancías
