Unhas persoas resultou ferida este luns en Ferrol por mor dunha colisión múltiple na que se viron implicados tres vehículos, segundo informa nunha nota Urxencias 112.
O sinistro produciuse pouco antes das 17.00 horas á altura do campo de fútbol do barrio de Caranza, na estrada das Pías (FE-14), a vía que une a urbe naval co municipio de Fene, detallan as mesmas fontes.
Un particular chamou a Urxencias 112 para alertar da colisión múltiple e, así mesmo, de que os turismos estaban a dificultar a circulación na zona. Ata o lugar do accidente desprazáronse unha ambulancia asistencial de Urxencias Médicas 061 e unha patrulla da Policía Local de Ferrol.
Unha colisión múltiple sáldase cunha persoa ferida en Ferrol
O accidente produciuse na estrada das Pías, que une a urbe naval co municipio de Fene
