Venres de ceos cubertos en toda Galicia

Este venres haberá en Galicia predominio de ceos nubrados ou cubertos, aínda que alternando con intervalos de nubes altas e algúns claros no norte, sobre todo pola mañá.

Espéranse choivas e chuvascos dispersos que serán mais intensos e con tormentas ocasionais de madrugada no terzo oeste e débiles e menos probables no interior norte de Lugo.

As temperaturas mínimas sufrirán un descenso en xeral lixeiro, producíndose en moitos puntos ao final do día, e as máximas manteranse con poucos cambios.

Soprará vento do sur e sueste frouxo no interior e amainando progresivamente a frouxo no litoral e que rolará a norte e nordeste ao final da tarde.