Este venres persiste a influencia anticiclónica sobre Galicia, polo que se espera ceo pouco nubrado ou despexado e as temperaturas experimentarán lixeiros ascensos na Mariña luguesa.
Segundo a información publicada por Meteogalicia, dependente da Consellería de Medio Ambiente, o vento soprará frouxo, de dirección variable, con réxime de brisas nas Rías Baixas.
Pola súa banda, as temperaturas continuarán sen cambios, con lixeiros ascensos na Mariña. Deste xeito, nas cidades galegas as máximas subirán ata os 22 graos en Ourense, mentres que os valores mínimos descenderán ata os dous graos en Lugo.
