Este xoves Galicia vivirá un día de transición cara a influencia anticiclónica. Así, durante a mañá aínda persistirán as nubes baixas con choivas no terzo norte e co avance do día os ceos irán quedando pouco nubrados ou despexados en xeral.
As temperaturas mínimas, sinala Meteogalicia nos seu pronóstico, non experimentarán cambios significativos ou ascenderán lixeiramente, mentres que as máximas sufrirán un moderado descenso quedando con valores baixos para a época do ano. O vento soprará frouxo de compoñente norte, con intervalos de moderado no litoral.
Temperaturas extremas previstas nas cidades: A Coruña 17° 22°, Ferrol 16° 22°, Lugo 13° 20°, Ourense 15° 27°, Pontevedra 15° 25°, Santiago de Compostela 15° 22° e Vigo 16° 24°.
