Coincidindo coas Festas do Cristo neste municipio pontevedrés, ten lugar un coñecido evento gastronómico que este ano celebra a súa XVIII edición: a Festa dos Callos.
Ao longo do sábado e o domingo, os visitantes poderán participar e gozar de numerosas actividades, ademais da degustación deste prato típico. Entre elas, a visita Mostra Así Somos, Visita ás Parroquias, aberta toda a xornada do sábado, a animación rueira, o concerto da banda de música e unha Velada de Boxeo, todo iso nesa mesma xornada inaugural.
Será a partir da medianoite dese sábado cando se celebre a desgutación dos callos, concretamente na praza de San Sebastián. Así, logo da panzada, á mañá seguinte terá lugar a Festa da Bicicleta, antes de dar de novo renda solta á comida e á lectura do pregón. Esa tarde estará amenizada por diferentes grupos de música, teatro, maxia e outras sorpresas.
