Crónica

Alerta vermella en Levante: desaloxos e inundacións polas chuvias torrenciais

A pinga fría que percorre o Levante e que se trasladou ao sur do Mediterráneo mantén en alerta vermella este xoves por risco extremo e choivas torrenciais á Comunidade Valenciana, a Murcia e a Andalucía, mentres Castela-A Mancha e Baleares se atopan en alerta laranxa así mesmo por tormentas e vento.

A Generalitat Valenciana estableceu a emerxencia situación cero por risco de inundacións na comarca da  Vall d' Albaida, no interior sur da provincia de Valencia, onde como consecuencia do temporal de choivas caeron preto de 300 litros por metro cadrado en 24 horas. 

Nesta comarca, un dos municipios máis afectados é Ontinyent, onde se desbordou o río Clariano e houbo que desaloxar aos veciños do barrio de Canterería. 

Un pequeno tornado provocou danos materiais na poboación alacantina de  Denia, sobre todo no polideportivo municipal, aínda que sen feridos.