martes. 26.10.2021 |
El tiempo
martes. 26.10.2021
El tiempo

Charlie Hebdo volve publicar as caricaturas de Mahoma

Viñetas de Mahoma incluídas no número de Charlie Hebdo. TWIITER
Viñetas de Mahoma incluídas no número de Charlie Hebdo. TWIITER
O semanario satírico difunde, coincidindo co inicio do xuízo, as caricaturas que levaron aos xihadistas a atacar a redacción en 2015

O semanario satírico Charlie Hebdo volverá publicar este mércores as caricaturas de Mahoma polas que en 2006 se converteu no branco de xihadistas, que finalmente atacaron a redacción en 2015 e acabaron coa vida de 12 persoas, coincidindo co inicio do xuízo este mércores.

As ilustracións aparecerán este mércores, no número desta semana e están dispoñibles na web a partir deste martes ás 12.00 hora local (10.00 GMT).

"Nunca nos dobregaremos. Nunca renunciaremos", escribiu Riss (pseudónimo de Laurent Sourisseau), que sobreviviu ao ataque con graves feridas e hoxe dirixe o semanario, no editorial.

Trátase dunha serie de doce debuxos que foron retomados en 2006 por Charlie Hebdo tras a súa publicación en setembro de 2005 no diario danés Jyllands-Posten. Neles aparece unha caricatura do profeta chorando de xeonllos e coa mensaxe "é duro ser amado por idiotas". Unha ilustración de Cabu, asasinado o atentado do 7 de xaneiro de 2015.

"Todo para isto", leva en portada este número especial dos xuízos, cunha montaxe que inclúe todas os debuxos daquela polémica edición.

A redacción explica no seu interior que desde 2015 pedíronlles a miúdo que inclúan novas caricaturas de Mahoma e sempre se negaron.

"Non porque estea prohibido, a lei autorízanos, senón porque facía falta unha boa razón para facelo, unha razón que teña un sentido e que achegue algo ao debate", sinala a redacción nun artigo dentro de número, que chega mañá aos quioscos.

COMEZA O PROCESO. A razón de peso, cinco anos despois, foi o inicio do proceso contra os supostos cómplices dos terroristas que cometeron os ataques en 2015 contra a revista satírica pero tamén contra o supermercado xudeu Hyper Cacher de París e unha policía municipal ao sur da capital.

En total hai 14 acusados: dez en detención provisional, un en liberdade baixo control xudicial e outros tres, incluída a parella de Coulibaly, Hayat Boumeddiene, en orde de busca e captura, para quen se piden penas que van desde a cadea perpetua ata os 10 e 20 anos de cárcere.

A Xustiza acúsaos de participación nunha organización terrorista criminal e de distinto grao de complicidade, xa sexa na subministración de apoio loxístico, financeiro ou material, como armas ou vehículos.

O xuízo finalizará o 10 de novembro. Ata entón, 49 días de audiencias, con 94 avogados, 144 testemuñas, 90 medios acreditados e 200 partes constituídas como acusación particular.

Charlie Hebdo volve publicar as caricaturas de Mahoma
Comentarios