EE UU alerta do risco de atentado nas Ramblas durante o Nadal

A conta de Twitter da Oficina Consular recomenda aos cidadáns estadounidenses extremar as precaucións en zonas nas que haxa tráfico de vehículos

Un mosso vigila las Ramblas. AEP
photo_camera Un mosso vigila las Ramblas. AEP

O Departamento de Estado de Estados Unidos pediu este domingo aos seus cidadáns que extremen a precaución no paseo das Ramblas, en Barcelona, polo risco de que se cometa un ataque terrorista "con pouco ou ningún aviso" durante as datas do Nadal.

A diplomacia estadounidense publicou ese aviso na conta de Twitter da Oficina Consular, que coordina a axuda aos estadounidenses que viven no exterior: "Extremen a precaución en áreas con movemento de vehículos, incluídos autobuses, na zona das Ramblas de Barcelona durante Nadal e Ano Novo. Os terroristas poden atacar con pouco ou ningún aviso". 

Ademais, o consulado de Estados Unidos en Barcelona repetiu esa mensaxe na súa páxina web e pediu aos estadounidenses que eviten a zona das Ramblas, desde a praza de Cataluña ata a praza do Portal do Pau, así como que exerzan unha "vixilancia adicional" durante as festividades de Nadal. 

Comentarios