Estados Unidos converteuse este venres no primeiro país do mundo en rexistrar un aumento de máis de 2.000 mortes por coronavirus nun só día e superou o medio millón de casos, segundo os últimos datos da Universidade de Johns Hopkins.
Nas últimas 24 horas, polo menos 2.108 persoas perderon a vida polo virus en Estados Unidos, de maneira que en total a cifra de vítimas mortais é de 18.637, moi preto de Italia, que, con 18.849 falecidos, continúa sendo o país con máis mortes pola pandemia.
O 60% dos falecidos nas últimas 24 horas en EE UU vivían en tres estados: Nova York, onde 777 persoas perderon a vida, así como o veciño estado
O número de contaxios detectados en EE UU superou xa o medio millón, para chegar a 500.399, segundo a Universidade de Johns Hopkins, que indica que 28.790 pacientes están recuperados. Desa forma, mantense como o maior foco da pandemia e lidera o número de contaxios no mundo por diante de España, onde hai 158.273 casos e 16.081 persoas perderon a vida; seguido de Italia con 147.577 infectados e 18.849 falecidos; e Francia con 125.931 casos e 13.197 mortos, segundo detalla o centro docente.
Os mortos por Covid-19 no mundo son xa máis de 100.000, e hai máis dun millón e medio de persoas infectadas.