Navarra quedará confinada a partir do xoves durante 15 días pola covid

"Trátase de frear toda a actividade non imprescindible", indicou María Chivite
María Chivite. JESÚS DIGES (EFE)
photo_camera María Chivite. JESÚS DIGES (EFE)

A presidenta do Goberno foral, María Chivite, anunciou que a partir deste xoves Navarra quedará baixo medidas de confinamento perimetral e non se permitirá a saída ou entrada de persoas á Comunidade durante 15 días, excepto nos casos excepcionais establecidos por obrigacións laborais, servizos esenciais ou de urxencia.

Anunciouno en conferencia de prensa, convocada de urxencia, na que recoñeceu que a "preocupante" situación sanitaria derivada da covid-19 obrigou a tomar esta decisión, a pesar de que xa se foron tomando nas semanas precedentes outras restricións.

"Trátase de frear toda a actividade non imprescindible", dixo para anunciar, ademais do confinamento, o peche ás 21:00 horas de bares, restaurantes e outros establecementos deportivos e culturais, así como a restrición de reunións fóra da unidade convivencial. 

Comentarios