O presidente do Goberno, Pedro Sánchez, comunicou este martes ao seu gabinete que as reunións ordinarias do Consello de Ministros "programaranse ao comezo de semana e non ao final para anticipar e programar" os acontecementos.
Nunha carta dirixida aos ministros do novo Goberno de coalición, e coñecida na xornada da
Ante o primeiro goberno de coalición da historia recente, o socialista subliña o "propósito firme de unidade". Un goberno, en definitiva, "que terá unha soa meta; que falará con varias voces pero para emitir o mesmo mensaxe", di.
Na carta trasladada ao gabinete o día do primeiro Consello de Ministros, Sánchez tamén informa de que as comisións de subsecretarios, que preside o vicepresidente primeiro e ata agora se celebraban os mércores, terán lugar os xoves "para preparar as deliberacións e acordos do consello seguinte".
IVÁN REDONDO. Este mesmo martes, o primeiro Consello de Ministros do novo Goberno aprobou o nomeamento de Iván Redondo como director do Gabinete da Presidencia, que, ademais de secretario do Consello de Seguridade Nacional, ampliará as súas funcións asumindo baixo o seu mando a Secretaría de Estado de Comunicación.
Segundo informa Moncloa, Redondo concentrará no Gabinete de Presidencia todos os departamentos de asistencia a Pedro Sánchez como asuntos nacionais, institucionais, internacionais, comunicación cos cidadáns, secretaría xeral de Presidencia, Oficina Económica do Presidente, o Departamento de Seguridade Nacional (DSN) ou as diferentes unidades de análises. Ademais, a Secretaría de Estado de Comunicación, dirixida actualmente por Miguel Ángel Oliver, incorporarase formalmente ao Gabinete da Presidencia do Goberno, baixo a súa dirección.
Xunto a iso, Pedro Sánchez encargou ao seu xefe de Gabinete a creación da primeira Oficina Nacional de Prospectiva e Estratexia de País a longo prazo. Encargarase de pensar "estruturalmente na España dos próximos 30 anos", asegura o Executivo.
O membro máis veterano do Goberno, o sociólogo Manuel Castells (77 anos), foi o último en chegar e tamén o máis franco. Amagou con entrar directamente ao edificio onde se celebra o Consello de Ministros, sen pararse ante as cámaras ata que o avisaron. Só ensinou a carteira de ministro cando llo pediron os fotógrafos. Entón levantouna, mentres advertía: "Está baleira".
Tradicional pousado
Cando o Goberno estivo ao completo, Pedro Sánchez saíu á escalinata para a tradicional foto de familia do novo Executivo. Todos os membros do Executivo pousaron en silencio, salvo por algúns comentarios que Iglesias intercambiou cos fotógrafos a conta da fría temperatura que facía no exterior. Iso si, terminado o pousado, comezaron a charlar de forma animada entre eles mentres se dirixían ao interior do edificio para dar comezo a unha reunión.
Na mesa do Consello de Ministros, presidida por Sánchez, o xefe do Executivo ten sentada á súa dereita a Calvo e á súa esquerda, a Iglesias.
