O concelleiro do Partido Popular en Badalona e expresidente do grupo parlamentario en Catalunya, Xavier García Albiol, anunciou este mércores nunha mensaxe de vídeo en Twitter que deu positivo en coronavirus.

Positivo. Me acaban de confirmar que el resultado de la prueba del #Covid19 ha sido positivo. ¡Gracias a [email protected] por vuestros mensajes de apoyo! 🙌🙌 pic.twitter.com/CRzhRSTaEV

— Xavier García Albiol (@Albiol_XG) March 18, 2020

Albiol explica que estaba "aplicando o protocolo" desde había un par de días. Agora tócalle continuar con el, e "iso significa estar illado, non ter contacto co resto de persoas que están en casa e seguir as instrucións".

No vídeo, o dirixente popular di ter dor de cabeza, malestar xeral e dor de garganta, aínda que explica que a febre lle baixou "un pouquiño".

Albiol aproveitou a mensaxe para avisar ás persoas coas que estivo en contacto nos últimos días, porque lle resultou imposible advertir a todas ata agora.

O popular quixo agradecer a atención aos traballadores do Hospital Municipal de Badalona, que se atopan "excedidos e saturados" pola situación, e ao resto de persoal sanitario de Cataluña e España.

O positivo de Albiol súmase a outros de dirixentes políticos cataláns como o president da Generalitat, Quim Torra, ou o seu vicepresidente e coordinador nacional de ERC, Pere Aragonès.

Tamén deron positivo en coronavirus a presidenta da Comunidade de Madrid, Isabel Díaz Ayuso; a vicepresidenta segunda do Congreso e exministra de Sanidade, Ana Pastor; as ministras Irene Montero e Carolina Darias; o presidente de Vox, Santiago Abascal; o seu secretario xeral, Javier Ortega Smith, ou o candidato de Galicia en Común á presidencia da Xunta, Antón Gómez-Reino, entre outros.