O deputado de Cidadáns e exactor Toni Cantó meteuse nunha lea, segundo informa o xornal La Razón. Ao parecer, o Soprona recibiría un escrito no que se denuncia a tenencia de preto de corenta sapoconchos dunha "especie mediterránea e outras especies" por parte do político na súa casa de Torrelodones.
Cantó tería os especímenes repartidos "en dúas casetas" e a súa "tenencia e cativa" podería ser "ilícita", dado que, segundo a denuncia, no rexistro de núcleos zoológicos do municipio non figura esa dirección.
O escrito apunta que, ao non ser esta a primeira residencia de Cantó, "hai unha posibilidade moi alta de que os animais non teñan o mantemento e a atención veterinaria necesaria".
O deputado xa se manifestou respecto diso e asegurou que as tartarugas son "legais" que ten todos os permisos e documentación necesaria "en orde".
