Venezuela sofre este xoves un novo apagamento que afecta a 23 estados, incluída Caracas, a capital do país e asento dos poderes públicos.
O corte eléctrico ocorreu sobre as 17.00 hora local (21.00 GMT), e foi informado o instante por usuarios das redes sociais de moitas rexións, como Carabobo, Miranda, Barquisimeto, Táchira, Cojedes, Mérida, Barinas, Vargas, Nova Esparta, Aragua e Zulia.
En Caracas, Efe constatou que o servizo do Metro, vital na mobilización de pasaxeiros ante o colapso do transporte público, viu suspendida as súas actividades por esa causa, o que obrigou a miles de persoas a camiñar longos traxectos para chegar aos seus destinos. Os servizos de datos e voz das compañías telefónicas que operan en Venezuela tamén se viron afectados.
A Corporación Eléctrica Nacional (Corpoelec) reaccionou de xeito inmediato ao apagamento e sinalou en Twitter que a xeración foi saboteada na instalación de Guri, a máis importante do todo o sistema. "Isto é parte da guerra eléctrica contra o Estado. ¡Non o permitiremos! Estamos a traballar para recuperar o servizo", engadiu a empresa estatal.
Minutos despois, o ministro do ramo, Luís Motta Domínguez, dixo á televisión estatal VTV que o corte se debe a unha sabotaxe e estimou nunhas tres horas o tempo de reposición do servizo.
A principios de febreiro o Goberno venezolano denunciou dous presuntos ataques contra centrais eléctricas, o que deixou entón sen o servizo a parte dos estados de Miranda e Anzoátegui.
En Venezuela son frecuentes os fallos do servizo eléctrico, que controla o Estado a través de Corpoelec. Aínda que o Goberno de Nicolás Maduro acusa de presuntas sabotaxes polos cortes, a oposición e expertos indican que a desinversión e a mala xestión son as verdadeiras causas da crise eléctrica que atravesa Venezuela, o país coas maiores reservas de petróleo no planeta.
La guerra eléctrica anunciada y dirigida por el imperialismo estadounidense en contra de nuestro pueblo será derrotada. Nada ni nadie podrá vencer al pueblo de Bolívar y Chávez. ¡Máxima unidad de los patriotas!
— Nicolás Maduro (@NicolasMaduro) 8 de marzo de 2019
Tenemos El Guri, Tocoma y Caruachi.
— Juan Guaidó (@jguaido) 8 de marzo de 2019
Tenemos Planta Centro y Tacoa.
Tenemos agua, petróleo y gas.
Pero lamentablemente tenemos un usurpador en Miraflores.#SinLuz pic.twitter.com/uwa3fJKi9V
