sábado. 08.05.2021 |
El tiempo
sábado. 08.05.2021
El tiempo

Triacastela prevé humanizar o Camiño Francés na localidade

A alcaldesa de Triacastela e a conselleira de Medio Ambiente. EP
A alcaldesa de Triacastela e a conselleira de Medio Ambiente. EP
A Consellería de Medio Ambiente estuda colaborar co Concello no proxecto

O Concello de Triacastela proxecta humanizar a contorna da antiga Ferrería da capitalidade municipal, na saída do Camiño de Santiago por San Xil.

A alcaldesa, Olga Iglesias, presentou o proxecto á conselleira de Medio Ambiente, Territorio e Vivenda, Ángeles Vázquez, para solicitar a colaboración da Xunta durante unha reunión celebrada esta semana. A Administración autonómica informou que estudará a posibilidade de colaborar economicamente co Concello e recordou que leva unha década cooperando coas entidades locais a través do plan Hurbe na execución de todo tipo de intervencións e proxectos urbanísticos que contribúan a crear, mellorar ou humanizar equipamentos de uso común e colectivo. Para este programa a Xunta reserva nos orzamentos de 2021 preto de 7,5 millóns de euros.

O proxecto consiste en dotar dun pavimento en pedra, iluminación e a preinstalación do saneamento. As obras afectan desde a avenida Camilo José Cela e a estrada LU-633, no coñecido como Camiño Vello.

A rexedora destacou que a actuación daría un "empaquetado" á entrada á localidade de Triacastela, unha zona na que se atopa a saída do Camiño Francés por San Xil e a antiga Ferrería, un emblemático edificio do século XVII que tivo varios usos, como herrería ou mesón de peregrinos.

Durante a reunión a alcaldesa tamén lle trasladou á conselleira o interese do Concello por incorporar vivendas ao parque público municipal. Ao Concello gustaríalle poder adquirir algún inmoble para acometer a súa rehabilitación e polo a disposición dos veciños a prezos vantaxosos, polo que solicitou información sobre as posibles axudas para desenvolver esta idea.

Segundo informou o organismo autonómico, a través do Instituto Galego de Vivenda e Solo (IGVS) dispoñen de diferentes subvencións e programas, como o fondo de cooperación de apoio ás entidades locais de menos de 50.000 habitantes

Triacastela prevé humanizar o Camiño Francés na localidade
Comentarios