A organización do Festival de Cans —do 23 ao 26 de maio desvelou este mércores o programa completo do certame, que contará coa presenza de Fernando Trueba e Graza Querejeta.
Ambos os cineastas protagonizarán senllos coloquios, segundo avanzou este mércores o director do festival, Afonso Pato, quen tamén adiantou a actuación da banda Triángulo de Amor Bizarro.
Pato incidiu en que, "como sempre, o foco fundamental do Festival estará centrado nas curtametraxes", e revelou que este ano pasarán polo certame case cen realizadores que converterán a Cans nun "escaparate da creación audiovisual galega".
Subliñou o equilibrio, tanto na sección oficial como na programación paralela, entre cineastas debutantes e persoas que chegan a Cans avaladas polos seus éxitos noutros festivais.
Entre as novidades do programa, Pato destacou, entre outras, as seccións ¿A que andas?, na que se descubrirán os guións en proceso de, por exemplo, Borja Cobeaga, Ángeles Horta ou Ignacio Vilar.
Tamén aludiu a em <>Fillos e fillas de Cans, un espazo no que o público poderá ver imaxes inéditas de creacións como A sombra da lei, de Dani da Torre, ou Arima, de Jaione Camborda.
O director da Axencia Galega das Industrias Culturais (Agadic), Jacobo Sutil, puxo en valor "o aspecto lúdico e o apoio da parroquia" como "marcas distintivas" do evento.
Pola súa banda, o deputado provincial de Cultura e Lingua, Xosé Leal, celebrou a "filosofía" de Cans e a súa "aposta polo galego e por visibilizar todos os sectores do audiovisual".
Finalmente, a presidenta da Asociación Arela, Keka Losada, debullou a parte máis "comunitaria" da programación do Festival, que atenderá a públicos de todas as idades e fomentará a súa implicación e creatividade.
O programa para este 2018 complétase cunha mostra das viñetas de em O Bichero de Luís Davila ou coa sección especial Contra ou lume, con pezas que invitan á reflexión crítica sobre os incendios, entre outras propostas.
