Jorge Prado acaba de facer historia no motociclismo español. O piloto lucense proclamouse campión do mundo de MX2 tres días antes do previsto, xa que o seu compañeiro de equipo e único rival polo título, Pauls Jonass, decidiu non correr en Ímola para operarse do xeonllo.
O lucense, que lle sacaba 46 puntos de vantaxe ao letón e lle valía con ser 17º no último gran premio da tempada, pecha así unha tempada de ilusión que o converte en toda unha realidade do motocrós español e unha das maiores promesas a nivel mundial.
Prado, aos seus 17 anos, culmina un soño que empezou xa hai tempo, cando deixou o seu Lugo natal para trasladarse cos seus pais a Bélxica para adestrar nun dos templos da especialidade: Lommel.
A tempada do lucense, a segunda na segunda categoría do motocrós, foi para enmarcar, coa vitoria en 11 dos 19 grandes premios disputados.
— Pauls Jonass (@PaulsJonass41) 27 de setembro de 2018
Preparado para LA CARRERA...
— JORGE PRADO GARCÍA (@jorgeprado61) 27 de setembro de 2018
Ready for THE WEEKEND... #MXGPItaly #Imola 🇮🇹 pic.twitter.com/T0VvnDvJoY
