O Ministerio de Fomento activou os medios necesarios para facer fronte ás nevadas que poidan producirse en Aragón, Asturias, Cantabria, Cataluña, Comunidade Valenciana, Galicia e Madrid durante o temporal de neve do luns 26, martes 27 e mércores 28 de febreiro.
Segundo informa o Ministerio en nota de prensa, a Axencia Estatal de Meteoroloxía (Aemet) emitiu para o luns día 26 de febreiro de 2018 un boletín de aviso por nevadas de nivel Laranxa en Cataluña; para o día 27 de febreiro un boletín de aviso por nevadas de nivel Laranxa en Aragón, Cataluña, Comunidade Valenciana e Galicia; para o día 27 de febreiro un boletín de aviso por nevadas de nivel Amarelo na Comunidade de Madrid; e para o día 28 de febreiro un boletín de aviso por nevadas de nivel Laranxa en Aragón, Asturias, Cantabria, Cataluña e Galicia.
Para facer fronte a estes fenómenos, o Ministerio de Fomento conta con 745 equipos quitaneves e unha capacidade de almacenamento de 122.907 toneladas de fundentes.
