Buscan un septuaxenario desaparecido desde o venres en Ourense

Comisaría de Policía. EFE
photo_camera Comisaría de Policía. EFE

A Unidade de Atención á Familia e Muller (UFAM) da Policía Nacional de Ourense prosegue coas actuacións no marco da procura dun septuaxenario desaparecido desde o venres na capital ourensá. Segundo informaron fontes policiais, un familiar do home de 72 anos denunciou a súa ausencia desde a mañá do venres pasado e os labores policiais proseguen "sen novidade" ata o momento. 

O home supostamente "estaba preocupado pola pandemia" e presentaba posiblemente algún cadro de depresión, segundo apuntaron as mesmas fontes consultadas. Por iso, a UFAM da Policía Nacional continúa as pescudas "buscando polos círculos próximos".