Evacuado un bañista de Silgar tras ser atopado boca abaixo na auga
Un bañista foi evacuado este sábado, sobre as 19.00 horas, da praia sanxenxina de Silgar despois de que os servizos médicos lograsen reanimalo.
O home, que estaba na auga boca abaixo cando foi avistado por outros bañistas, foi levado ata terra firme, onde os profesionais sanitarios estiveron varios minutos facéndolle manobras de reanimación.
O bañista foi evacuado nunha Uvi móbil e polo momento descoñécese o seu estado. Ata o areal sanxenxino, moi concorrido este sábado, tamén se desprazaron os bombeiros, Policía Local e a Garda Civil.
