"Rendernos xamais", dixo Jesús María Pérez, primo da falecida Socorro Pérez e portavoz da familia. "Mentres este tema estea durmido e sen esclarecer, familiares e amigos continuaremos esixindo xustiza social", declarou.
Catro anos despois do caso sen resolver da morte de Socorro Pérez os seus familiares e amigos fixeron este xoves unha ofrenda floral ante a súa tumba no cemiterio de San Francisco (Ourense). Unha homenaxe coa que quixeron "lembrala, honrar a súa memoria" e, ademais, "pedir xustiza e denunciar o abandono patente do tema por parte das Forzas e Corpos de Seguridade do Estado".
"Temos unha imperioso necesidade de saber por que asasinaron a Socorro", sostivo Jesús María Pérez. "Non debemos esquecer que é posible que o asasino ou os asasinos convivan entre nós sen que o saibamos", agregou.
Non sabemos nada, ninguén nos explicou en que punto se atopa a investigación, que é o que se fixo e que se vai a facer
NEGLIXENCIA PALMARIA. Por este motivo, fixeron un chamamento ao Goberno, en xeral, para que "poña todo o humano e científico habido e por haber para que este caso se resolva dunha vez". "As cousas fixéronse moi mal, houbo unha neglixencia palmaria por parte da Comisaría de Ourense unida a un gran desinterese e, por desgraza, estamos a pagar as consecuencias", manifestou.
O portavoz familiar explicou que a última toma de contacto sobre o caso que teñen remóntase a setembro de 2018, cando mantiveron unha reunión co, por aquel entón, recentemente nomeado Subdelegado do Goberno. "Foi sen máis unha reunión protocolaria na que non se nos fixo compromiso de ningún tipo nin palabras de alento", explicou.
Desde ese momento, "non sabemos nada, ninguén nos explicou en que punto se atopa a investigación, que é o que se fixo e que se vai a facer", denunciou Jesús María Pérez. Á súa vez, "o apoio sentimental e emotivo tamén deixa moito que desexar", engadiu.
NON PERDEN A ESPERANZA. A pesar do tempo aseguraron non perder a esperanza e continuar "insistentes". "Non queremos que ninguén pense que porque sexamos unha familia pouco numerosa imos esquecer o tema", explicou Jesús María Pérez.
Reiterou a súa "dor" pola existencia do que cualifican como "mortos de primeira e mortos de segunda" desde o punto de vista policial, da investigación e de medios. Pediron unha explicación á devandita diferenciación e manifestaron que son "xente traballadora, honorable que persegue o ben común e a xustiza social".
Despois dun minuto de silencio na súa honra e da lectura do poema Eu vou soñando camiños de Antonio Machado lembraron á falecida. "Seguiremos, Socorro. Non te abandoaremos nunca xamais. Levámoste no corazón e estaremos sempre e para sempre ao teu lado".
