Un neno de pouca idade foi trasladado este luns pola tarde en helicóptero a un centro hospitalario tras caer a unha piscina en Salceda de Caselas, en Pontevedra, segundo informa o 112 Galicia. Nun primeiro momento, foron os propios familiares do menor os que o rescataron da auga e inmediatamente alertaron do sucedido aos servizos de urxencias.
O pequeno foi ingresado para determinar o seu estado, en principio grave. Ao lugar tamén acudiron sanitarios do 061-Urxencias Sanitarias, efectivos de Protección Civil e axentes da Garda Civil.
#AXEGAInforma dun cativo que foi evacuado en helicóptero tras caer a unha piscina en #SalcedadeCaselas. O pequeno foi rescatado pola familia, que axiña chamou ao 112 Galicia para pedir asistencia médica. Así, avisamos a 061-Urxencias Sanitarias, @guardiacivil e Protección Civil pic.twitter.com/jLq7jIs6wi
— 112Galicia (@112Galicia) 3 de xuño de 2019
