Antom García Matos, alias Toninho, e Asunción Losada Camba, fuxidos da Xustiza desde 2006 e detidos o pasado domingo, viviron durante os catro últimos anos nunha antiga comuna hippie de Fornelos de Montes, a apenas 30 quilómetros de Pontevedra e Vigo.
Os dous presuntos líderes de Resistencia Galega, a banda considerada terrorista pola Audiencia Nacional e o Tribunal Supremo, vivían agochados e cunha economía de subsistencia, baseada na agricultura ecolóxica. Segunda informa Faro, tiñan unha pequena placa solar como fonte de enerxía e percorrían seis quilómetros a pé cando tiñan que facer recados en Fornelos.
Tras declarar na Audiencia Nacional o pasado martes, foron enviados a prisión acusados de integración en organización terrorista.